Կառավարությունն իր այսօրվա՝ մարտի 23-ի նիստում «Վարժական հավաքներ հայտարարելու մասին» որոշում ընդունեց: Որոշման հիմնավորման մեջ նշվում է, որ նախագծի ընդունումը պայմանավորված է պահեստազորի առաջին խմբում հաշվառված շարքային, ենթասպայական և սպայական կազմերի պահեստազորայինների ռազմական հմտությունների կատարելագործման, վերապատրաստման և պատրաստման վարժական հավաքների անցկացման անհրաժեշտությամբ: