Ֆրանսիայի «ՀՅԴ Նոր Սերունդ» երիտասարդական միության Կենտրոնական վարչության ատենապետ Նժդեհ Գարագավորյանը հայց է ներկայացրել վարչական դատարան` ընդդեմ Ազգային անվտանգության ծառայության` պահանջելով, որ իր տվյալները հեռացնեն Հայաստանի Հանրապետության համար անցանկալի անձանց տվյալների բանկից, այսինքն` նրա մուտքը արգելվել է Հայաստան: Հայցադիմումը դատարան է ներկայացվել մարտի 15-ին, դատարանն այն վարույթ է ընդունել, գործը մակագրվել է դատավոր Գրիգոր Առաքելյանին: