Եվրամիության երկրների ղեկավարները խոստացել են «չհանգստանալ» մինչև Ուկրաինան չհաղթի Ռուսաստանի դեմ հակամարտությունում և նրա տարածքային ամբողջականությունը չվերականգնվի։ «Արմենպրես»-ի փոխանցմամբ՝ այդ մասին ասված է Եվրոպական խորհրդի անդամ պետությունների տարածած հայտարարության մեջ: ԵՄ 27 երկրների ղեկավարներն ընդգծել են, որ կշարունակեն աջակցել Կիևին զենքի և ռազմամթերքի մատակարարումներով և մշտապես կմեծացնեն ճնշումը Ռուսաստանի վրա։