Հայաստանի գիտությունների ազգային ակադեմիայի նախագահ, ակադեմիկոս Աշոտ Սաղյանը, ՀՀ ԳԱԱ նախագահի գիտության և տեխնոլոգիաների գծով տեղակալ Վարդան Սահակյանը սույն թվականի փետրվարի 16-17-ը մասնակցել են Թբիլիսիում տեղի ունեցած «Հավերժական արժեքներ և անընդհատ փոփոխվող աշխարհ» միջազգային գիտաժողովի աշխատանքներին։ Ինչպես տեղեկանում ենք ՀՀ ԳԱԱ-ի տարածած հաղորդագրությունից, այն նվիրված էր տարբեր գաղափարներ կրողների միջև կառուցողական երկխոսությանը, հավերժական, մնայուն արժեքների պահպանմանը ժամանակակից, սրընթաց փոփոխվող աշխարհում՝ քաղաքականության, գիտության, կրթության և մշակույթի ոլորտներում: