Արցախի Հանրապետության կրթության, գիտության, մշակույթի և սպորտի նախարարության նախաձեռնությամբ Ստեփանակերտի Վերածննդի հրապարակում կազմակերպված պարային ֆլեշմոբն էր, որին մասնակցել է Ստեփանակերտի հանրակրթական դպրոցների շուրջ 300 աշակերտ: Պարում են Կարնո քոչարին, որը ռազմապարերից ամենատարածվածն է: Արցախյան շարժման 35-րդ տարեդարձին կազմակերպված այս միջոցառումը մեծ խորհուրդ ունի. այն համախմբան, միասնականության ու միմյանց գոտեպնդելու կոչ էր: Այս մասին տեղեկանում ենք Արցախի Հանրային հեռուստաընկերության պատրաստած ռեպորտաժից։