Հայաստանում հերթական ողբերգությունն է տեղի ունեցել: Գեղարքունիքի մարզի Ազատ գյուղի մոտ տեղակայված զորամասերից մեկում դեռևս չպարզված հանգամանքներում առաջացած հրդեհի հետևանքով 15 զինծառայող է զոհվել: Իշխանությունները փաշինյանի շուրթերով հայտարարում են, որ տեղի ունեցածը անվտանգության կանոնների խախտման հետևանք է, որովհետև կացարանում առկա վառարանում կրակը փորձել են բենզինով այրել: Այս համատեքստում հարց է առաջանում, թե ինչու 21-րդ դարում զինվորների կացարանում ջեռուցման համակարգի փոխարեն պետք է վառարաններ լինեն: Իսկ այրված կացարանն էլ, ներողություն արտահայտության համար, դասական գոմի տեսք ունենա: Եվ սա այն իշխանությունն է, որը համարձակվում էր քննադատել նախկին իշխանություններին և քաղաքական դիվիդենտներ հավաքել այսպես կոչված «կանսերվայի բանկաների» համար և բանակում ելակ չունենալու համար: