Եռավարակ, ինչո՞վ է պայմանավորված այս իրավիճակը. պարզաբանում է բժիշկը

Դեկտեմբերին Եվրոպական միության Հիվանդությունների կանխարգելման և վերահսկման եվրոպական կենտրոնը (ECDC) և Առողջապահության համաշխարհային կազմակերպությունը համատեղ հայտարարություն տարածեցին, որում մտավախություն հայտնեցին գրիպի, COVID-19-ի և շնչառական սինտիցիալ վիրուսի (RSV) համատեղ շրջանառության վերաբերյալ, որոնք համատեղ կարող են առաջացնել էական ծանրաբեռնվածություն առողջապահական ծառայությունների վրա։ Այսպիսով հայտարարվեց սպասվող «եռակի համաճարակի» մասին, որն աշնան վերջից սկսեց թափ առնել Եվրոպայում և ԱՄՆ֊ում։ Հայտարարության մեջ նաև ընդգծվում է, որ շնչառական մի քանի հարուցիչների տարածման հետ կապված այս իրավիճակը դժվարացնում է կանխատեսել, թե ինչպես կզարգանա հիվանդացությունը ձմռանը։ Կարծում եմ բոլորիս համար ակնհայտ է, թե ինչ իրավիճակ էր դեկտեմբերին Հայաստանում և դեռ շարունակվում է ու ավելի ուժգնանացել։ Գրեթե չկա մի ընտանիք, որտեղ վերջի 1֊1,5ամսվա ընթացքում ՍՇՎՎ վարակված չլինի գոնե մեկ անձ.հատկապես երեխաների շրջանում ավելի բարձր է հիվանդացությունը։ Եվ ամենակարևորը` ատիպիկ ընթացքով և նոր բարդություններով։