Մարզիկների սպորտային կարիերան երկար չէ, բայց նվաճվող մեդալների գինը` շատ բարձր: «Օլիմպոս»-ի ճանապարհին հատկապես բռնցքամարտիկների համար այդ գինն ահռելի է: Հայկական բռնցքամարտի դպրոցը բացառիկ արդյունք գրանցեց անցնող 2022 թվականին: Անկախ Հայաստանն իր առաջին ոսկե մեդալը նվաճեց կանանց բռնցքամարտի Եվրոպայի առաջնությունում: Նա, ով հասավ այդ բարձրունքին, Անի Հովսեփյանն է: Անիի հետ մեր հանդիպումը կայացավ իր հարազատ Օլիմպիական հերթափոխի մարզական քոլեջում: Նա իր համեստ և զուսպ պատասխաններով ևս մեկ անգամ ապացուցեց` համառ, նվիրված աշխատանքը միշտ վարձատրվում է: