«Փաստինֆո»-ն գրում է. «Իշխանությունները վճռական են իրավապաշտպան Ռուբեն Մելիքյանի՝ դատավոր կնոջը պատասխանատվության ենթարկելու հարցում. Փորձում են գտնել տաբեր ուղիներ։ՀՀ արդարադատության նախարարությունը կրկին միջնորդություն է ներկայացրել Բարձրագույն դատական խորհուրդ՝ պահանջելով կարգապահական պատասխանատվության ենթարկել Երևանի ընդհանուր իրավասության դատարանի դատավոր Աննա Փիլոսյանին։ Ընդ որում, այս անգամ կարգապահական վարույթի հարուցման առիթը եղել է ԶԼՄ հրապարակումը, որում արտատպված էր փաստաբան Գայանե Պապոյանի ֆեյսբուքյան գրառումը։