Հայաստանում այս օրերին ընթանում է ՀԱՊԿ գագաթնաժողովը: Հայաստան են այցելում ՀԱՊԿ ղեկավարները, այդ թվում՝ ՌԴ նախագահ Պուտինը: Հայաստանյան քաղաքական վերնախավում և քաղաքացիական սպեկտորում այդ իրադարձությունների առնչությամբ վերջին օրերին ակտիվություն է նկատվում: Իշխանությանն առընթեր արևմտամետ հասարակական խմբերը, պսևդոընդդիմադիր «մարդ–կուսակցությունները», նախկին, այսպես կոչված, «քաղակտիվիստները» բողոքի ակցիաներ են կազմակերպում ՀԱՊԿ ղեկավարների և Պուտինի այցի դեմ: Բողոքի ակցիաների հիմնական շեշտադրումը ՀԱՊԿ-ի և Ռուսաստանի լոյալությունն է ադրբեջանական հարձակումների նկատմամբ: Հարց է առաջանում՝ իսկ ո՞րն է Ռուսաստանից կամ ՀԱՊԿ-ից բողոքելու իմաստը: Ռուսնե՞րն են, որ պետք է մեր գեղեցիկ աչքերի համար Հայաստանը պաշտպանեն: Ըստ բողոքի ակցիաներ իրականացնողների տրամաբանության՝ ռուսները պարտավոր են մեզ պաշտպանել, իսկ եթե չեն պաշտպանում, ուրեմն դավաճան կամ սրիկա են: