2022թ. սեպտեմբերյան պատերազմից հետո իրավիճակը թե՛ Հայաստանում և թե՛ Արցախում շարունակում է լարված մնալ: Ադրբեջանական զորքերը կիլոմետրերով մխրճվել են Հայաստանի Հանրապետության տարածքում: Պետք է փաստել` հայաստանյան իշխանությունները ոչ միայն որևէ քայլ չեն իրականացնում, որպեսզի թշնամուն դուրս վռնդեն ՀՀ սուվերեն տարածքից, այլև դիվանագիտական ճակատում այնպիսի խայտառակ քաղաքականություն են իրականացնում, որը թույլ է տալիս ադրբեջանական կողմին շարունակաբար հոխորտալ և սպառնալ նոր պատերազմով ու տարածքների օկուպացիայով: Հայաստանյան տարբեր պաշտոնյաներ շարունակաբար հայտարարում են, որ պատրաստ են տարանջատել Արցախի հարցը Հայաստան–Ադրբեջան ներկայումս ընթացող բանակցություններից և կնքել այսպես կոչված Խաղաղության պայմանագիր: