Նոյեմբերի 22-23-ին Երևանում կանցկացվեն ՀԱՊԿ նիստեր, այդ թվում՝ նոյեմբերի 23-ին կկայանա ՀԱՊԿ երկրների ղեկավարների գագաթաժողովը: Երեկ ՌԴ նախագահի մամուլի խոսնակը հաստատեց, որ Ռուսաստանի նախագահ Վլադիմիր Պուտինը կայցելի Հայաստան: Զուգահեռ համացանցում տեղեկություններ շրջանառվեցին, թե ՌԴ Պետդումայի պատգամավոր Կոնստանտին Զատուլինը, որի մուտքը Հայաստան «անցանկալի» է հայտարարված, ՌԴ նախագահի գլխավորած պատվիրակության կազմում պատրաստվում է Հայաստան ժամանել։