Այս տարվա փետրվարին մաքսայինի նախկին պետ Արմեն Ավետիսյանին պատկանող «Գոլդեն փելես» հյուրանոցը ձեռք բերեց նորահայտ օլիգարխ Նարեկ Նալբանդյանը` 5 միլիարդ դրամով: Հետո մի քանի անգամ էլ այս անձի անունը հնչեց` Հովիկ Աբրահամյանին պատկանող Մոնումենտի դղյակի մութ գործարքի առնչությամբ, երբ ակնհայտ էր, որ գույքը փրկում են պետական բռնագրավումից: Մի անգամ էլ Լուսակերտի ֆաբրիկան հայտարարեց, որ Նալբանդյանը դեմպինգ է անում` ձվի գինը հասցրել է 25 դրամի, որ ձվի-հավի բիզնեսը խլի, եւ իր «Շիրակ» թռչնաֆաբրիկան դառնա գերիշխող: Իսկ երեկ Եղվարդ համայնքում նրան պատկանող համակցված կերերի գործարանի բացումն էր, որին ներկա էր նաեւ Նիկոլ Փաշինյանը` իր շքախմբով։