Հոկտեմբերի 21-ին ոստիկանության Մեղրիի բաժնի և պետական եկամուտների կոմիտեի մաքսանենգության դեմ պայքարի վարչության ծառայողները, օպերատիվ տվյալներն իրացնելով, Մեղրիի մաքսակետում զննել են Իրանի Իսլամական Հանրապետությունից Հայաստան ժամանած 33-ամյա վարորդի «ԿամԱԶ»-ը։ Բեռնատարի սրահում հայտնաբերվել են 4 փաթեթ՝ մոտ 14 գրամ մարիխուանայի նմանվող զանգվածով, և կաթուցիչ։ Արտաշատի բնակիչ, 33-ամյա տղամարդը ձերբակալվել է։ Այս մասին տեղեկանում ենք ՀՀ ոստիկանության մամուլի ծառայությունից։