Եվրոպայի Հայ դատի գրասենյակը կոչ արել Եվրամիության ղեկավարությանը Հայաստանի դեմ Ադրբեջանի հարձակումը հստակ դատապարտող դիրքորոշում դրսևորել։ «Մենք ակնկալում ենք, որ դուք անեք ձեր ուժերի ներածին չափով հնարավոր ամեն բան դադարեցնելու ադրբեջանական ագրեսիան, որը Հայաստանի դեմ պետական մակարդակի այլատյացության և Ադրբեջանի ծավալապաշտական քաղաքականության հստակ ցուցադրություն է։ Մարդկային կյանքն անգնահատելի է՝ լինի դա Ուկրաինայում, թե Հայաստանում։ Որպես ԵՄ քաղաքացիներ՝ մենք հավատացած ենք, որ Ալիևի նման բռնապետը չի կարող գնել լռությունը կամ արժանապատվությունը՝ ԵՄ-ին շատ փոքր ծավալով գազի պոտենցիալ մատակարարման դիմաց»,- ասվում է ՀՅԴ Եվրոպայի Հայ դատի գրասենյակի հայտարարության մեջ։