Իրանում հայտարարել են, որ Հայաստանի ամբողջ Սյունիքի մարզը պետք է Թեհրանի ուշադրության կենտրոնում լինի

Երբ խոսում ենք հայ-իրանական սահմանի մասին է, ապա, հաշվի առնելով ներկայիս աշխարհաքաղաքական իրողությունները եւ Հայաստանի քարտեզը, պետք է խոսել ոչ միայն բուն սահմանի, այլեւ Սյունիքի մարզի մասին, որն ամբողջությամբ պետք է Իրանի ուշադրության կենտրոնում լինի։ Այս մասին NEWS.am-ի թղթակցի հետ զրույցում ասաց Իրանի խորհրդարանի հայազգի պատգամավոր Ռոբերտ Բեգլարյանը։ Նա պարզաբանեց, որ ընդհանուր առմամբ Իրանի զգայունությունը վերաբերում է Հայաստանի հետ սահմանին։ Նրա խոսքով, Ադրբեջանի դերը տարածաշրջանում մեծացել է։