Արցախի Հանրապետության Ազգային ժողովի նախագահ Արթուր Թովմասյանն այսօր սեպտեմբերի 2-ին, ուղերձ է հղել Արցախի Հանրապետության օրվա առթիվ, որում ասված է. «Սիրելի´ հայրենակիցներ Դարեր շարունակ արցախահայությունը, հենվելով իր պատմական երկարատև կենսափորձի վրա, կենաց ու մահու պայքար է մղել ՝ հանուն սեփական հայրենիքի, պետականության, ժողովրդի ազատության ու անկախության։ Այդ պայքարի բարձրակետը հանդիսացավ Լեռնային Ղարաբաղի Հանրապետության ծնունդը։