.png)
Աշխարհի ավելի քան 90 երկիր, որտեղ կապիկի ծաղիկը համարվում է ոչ էնդեմիկ, հայտնել է հիվանդության դեպքերի գրանցման մասին։ Այս մասին հայտնում է Reuters-ը։ Ողջ աշխարհում կապիկի ծաղիկի հաստատված դեպքերի թիվն արդեն գերազանցում է 46 հազար 300-ը։ Երկրներ, ինչպիսիք են Կուբան, Էկվադորը, Հնդկաստանը, Բրազիլիան, հայտնել են մահվան առաջին դեպքերի մասին։ Կապիկի ծաղիկը կենդանիներից մարդկանց փոխանցվող հիվանդություն է, որի ախտանշանները նման են մարդու ծաղիկ վիրուսային հիվանդության ախտանշաններին, սակայն ի տարբերություն վերջինիս՝ կապիկի ծաղիկ հիվանդության ընթացքն ավելի թեթև է ընթանում: Հիվանդության ախտանիշներն են՝ ջերմություն, գլխացավ, մկանային ցավ, մեջքի ցավ, այտուցված ավշային հանգույցներ, դող և հոգնածություն, ուժեղ արտահայտված ցան, որը կարող է անհարմար ու ցավոտ լինել: