Երեկ լրատվամիջոցներից մեկը տեղեկություն էր հրապարակել Լոռու մարզում տեղի ունեցած ավտովթարի մասին՝ մասնավորապես նշելով. «BMW-ն վազանց կատարելիս բախվել է պարեկային ծառայության ծառայողական RAV4-ին, մայր ու որդի տեղափոխվել են հիվանդանոց»: Այսօր 168.am-ի խմբագրության հետ կապ է հաստատել հիշյալ միջադեպից տուժած քաղաքացիներից Զ. Չ.-ն, որը պնդում է՝ իրենց մեքենան ամենևին էլ վազանց չի կատարել, ու նման լրատվությունն ընդամենը պարեկային ծառայության համբավը փրկելու փորձ է: