Իրանում հայտնաբերվել է կապիկի ծաղիկ հիվանդությամբ վարակման առաջին դեպքը։ Այս մասին հայտնում է այդ երկրի առողջապահության նախարարությունը։ Վարակակիրը կին է, որի մոտ առկա է մաշկի ախտահարում։ Իրանական առողջապահական գերատեսչությունը մանրամասնել է, որ կապիկի ծաղիկ հիվանդությունը չափազանց մահացու չէ։ Հայտնի է նաև, որ վարակակիր կինը 34 տարեկան Ահվազ քաղաքի բնակչուհի է։