2015 թվականին դանակահարել էր, ապա դիմել փախուստի․ գործը բացահայտվել էր

ՀՀ քննչական կոմիտեի Լոռու մարզային քննչական վարչությունում իրականացված քննչական և վարութային մեծածավալ գործողությունների արդյունքում բացահայտվել է դեռևս 2015թ. հունվարի 15-ին Լոռու մարզի երկու բնակչի առողջությանը ծանր վնաս պատճառելու դեպքը: ՔԿ-ից հայտնում են, որ նշված օրը՝ վաղ առավոտյան, Ստեփանավանի բժշկական կենտրոնից ահազանգ էր ստացվել՝ կտրած-ծակած թափանցող վերք ախտորոշմամբ երկու երիտասարդի՝ բուժօգնության տեղափոխվելու վերաբերյալ: