Ավետիք Չալաբյանի գործով հերթական դատական նիստին քննվում էր նրա վերաբերյալ խափանման միջոցի ընտրության հարցը: Չալաբյանի պաշտպանական թիմի անդամ Վարազդատ Հարությունյանը նշել էր՝ նոր Քրեական դատավարության օրենսգիրքը հնարավորություն է տալիս համակցված, այսինքն՝ մի քանի խափանման միջոցների ընտրության կիրառություն, և թվարկել այն անձանց անունները, ովքեր երաշխավորություն են ներկայացրել Ավետիք Չալաբյանի համար՝ Կարին Տոնոյան, Էկվադորի Հանրապետության պատվավոր հյուպատոս Վահե Դարբինյան, «Այբ» կրթական հիմնդրամը ներկայացնող Սոնա Խորշուդյան, Արամ Փախչանյան, Մեսրոպ քահանա Արամյան և այլք։