Երկու տարի առաջ` 2020թ. հուլիսի 12-ից սկսվեցին «Տավուշյան մարտեր» անվանումն ստացած Տավուշում հայ-ադրբեջանական սահմանային գոտում տեղի ունեցած մարտական գործողությունները: Մարտական գործողություններ, որոնցում թշնամու դեմ կռվում անմահացան երկու ժամկետային զինծառայողներ, կապիտան Սոս Էլբակյանը և մայոր Գարուշ Համբարձումյանը: Մարտերն աչքի ընկան այն հանգամանքով, որ թշնամական կողմը զգալի կորուստներ կրեց, այդ թվում նաև` բարձրաստիճան զինվորականության շրջանում: Սակայն առավել ուշագրավ էր այն, թե ինչպիսին էր մարտերին հայկական ռազմաքաղաքական վերնախավի վերաբերմունքը և արձագանքը: