Երևանի ընդհանուր իրավասության դատարանի նախկին դատավոր Սիմա Իսկանդարյանը հայցադիմում է ներկայացրել Վարչական դատարան՝ ընդդեմ Դատական դեպարտամենտի։ Այս մասին գրում է «Փաստինֆո»–ն։ Հիշեցնենք, որ մարտի 14-ին ԲԴԽ-ն բավարարել է Երևանի ընդհանուր իրավասության դատարանի դատավոր Սիմա Իսկանդարյանին կարգապահական պատասխանատվության ենթարկելու մասին միջնորդությունը և կիրառել ամենախիստ պատժատեսակը՝ դադարեցնելով դատավորի լիազորությունները՝ էական կարգապահական խախտում կատարելու հիմքով։