ՀՀ ԱԺ «Հայաստան» խմբակցության պատգամավոր Գեղամ Նազարյանն իր ֆեյսբուքյան էջում զոհված որդու լուսանկարն է հրապարակել և կից գրառում արել. «Պատերազմից հետո ամեն ինչ փոխվեց, այդ թվում ծննդյան օրվա խորհուրդը։ Այսուհանդերձ, շատ շնորհակալ եմ շնորհավորանքների համար։ Ինձ շնորհավորեցին ընտանիքիս անդամները, եղբայրներս ու քույրերս, ազգականներս, ընկերներս, մտերիմներս, հարեւաններս, հերոսների ծնողներ։ Շատերը շնորհավորեցին, բայց էն շնորհավորանքը, որին ամենաշատն էի սպասում, այդպես էլ չեղավ։ Աբգարս Հադրութից չզանգեց։ Տեսնես ինչու չզանգեց։