ԽՍՀՄ տարիներին այլախոհներին պատժելու ամենատարածված եղանակներից մեկը այլախոհներին կամ կոմունիստական ռեժիմին ընդդիմադիր մարդկանց խորհրդային համակենտրոնացման ճամբարներ ուղարկելն էր կամ աքսորելը: Փաստացի ճամբարները աքսորավայրեր էին, որտեղ բանտարկյալները դատապարտված էին տարատեսակ տաժանակիր աշխատանքների: Խորհրդային համակենտրոնացման ճամբարները ստեղծվել էին դեռևս «Կարմիր տեռորի» շրջանում` Հոկտեմբերյան հեղափոխությունից որոշակի ժամանակ անց: 1930-ականներին այդ ճամբարները ստացան ավելի համակարգված բնույթ և սկսեցին կրել «Գուլագներ» անվանումը: