ՀՀ ԱԺ «Հայաստան» խմբակցության պատգամավոր Արթուր Խաչատրյան ֆեյսբուքյան իր էջում գրում է. Գերմանացի գեներալ, ստրատեգ, ռազմական մեծագույն տեսաբան Կարլ ֆոն Կլաուզևիցը, ով մեծապես կարևորել է պատերազմի քաղաքական և հոգեբանական կողմերը, իր դարակազմիկ «Պատերազմի մասին» (Vom Kriege) մոնումենտալ աշխատության մեջ գրում է․ «Նվաճողը խաղաղության սիրահար է։ Նա գերադասում է մեր երկիրը գրավել առանց դիմադրության»։ Այս խոսքերը լավագույնս են նկարագրում Ալևի նկրտումները։ Նա խոսում է խոսում է խաղաղության մասին, փորձում է սպառնալիքով ու շանտաժով Հայաստանին «խաղաղություն» պարտադրել։ Ալիևի մտադրությունը պարզ է։ Ինչու՞ պատերազմել Հայաստանի հետ, զոհեր տալ, գումար ծախսել։ Վերջիվերջո, պատերազմից առաջ որևէ երկիր չի կարող երաշխավորել պատերազմի ելքը։ Մինչդեռ իր պարտադրած խաղաղությամբ նա, առանց որևէ ռիսկի ու զոհողության, կստանա իր ցանկալին՝ կոչնչացնի հայոց անկախ պետականությունը։