Գրեթե մեկ շաբաթ է անցել Նիգավանում տեղի ունեցած արյունոտ սպանդից: Մեկ շաբաթ առաջ Փաշինյանին հայհոյելու համար ՔՊ-ական ուսապարկերի հարազատները իսկական արյունահեղություն էին կազմակերպել Նիգավանում, որի արդյունքում երկու զոհ և բազմաթիվ վիրավորներ կան, իսկ կալանավորվել է ընդամենը մեկ անձ: Տեղի ունեցած հանցագործության վերաբերյալ, իհարկե, առավել ուշագրավ և սկանդալային էր ՔՊ-ի մամուլի ծառայության, այսինքն` ոստիկանության կողմից արագ հերքումը, թե իբր հանցագործությունը քաղաքական ենթատեքստ չունի և երկու հոգու կյանք խլած ու բազմաթիվ վիրավորների հանգեցրած հանցագործության համար իբրև թե ընդամենը որսորդական հրացան է օգտագործվել: