2018-ի իրադարձությունների արդյունքում իշխանության հասած գերագույն գլխավոր պատուհասը հայտարարում էր, որ ամեն ինչ անելու է, որպեսզի Հայաստանի Հանրապետության քաղաքացու կենսամակարդակը բարձրանա: Առհասարակ 2018-ին սոցիալական գործոնը մարդկանց փողոց հանելու հիմնական կատալիզատորներից էր: Գործոն, որը հմտորեն օգտագործվեց պոպուլիստների կողմից ազնիվ մղումներոց փողոց դուրս եկած մարդկանց մանիպուլյացիայի ենթարկելու և իշխանության հասնելու համար: Անցնող չորս տարիներին իշխանության կողմից տնտեսական կյանքում խոստացված բոլոր բարեփոխումները ուղղակիորեն տապալվել են: Առաջին հերթին փաշինյանական թիմը խոստանում էր մենաշնորհների վերացում: Անցնող տարիները ցույց տվեցին, որ այսպես կոչված օլիգարխները դարձան զուտ գործարարներ: Այսինքն մենաշնորհները չվերացան, այլ լոկ օլիգարխները սկսեցին անվանվել գործարարներ: