Շատերի մոտ կարող է տրամաբանական հարց առաջանալ, թե ինչու համատարած ձախողումների համատեքստում Փաշինյանը դեռ իշխանության գլուխ է: Ընդ որում այդ ձախողումները ոչ թե սովորական ձախողումներ են, որոնք կարող են հատուկ լինել յուրաքանչյուր կամայական իշխանությանը, այլ դրանք ուղղակիորեն աղետ են և պետական դավաճանության հստակ դրսևորումներ: Ինչն է պատճառը, որ հարյուր հազարները դուրս չեն գալիս փողոց: Արդյոք նրանք կույր են կամ չեն տեսնում, թե Փաշինյանի իշխանավարումը ինչ հետևանքների է բերել: Միգուցե որոշ մասը, իրավամբ, միամտորեն հավատում է այն հեքիաթներին, այն գունավոր իրականությանը, որը ստեղծել է Փաշինյանի իշխանությունը, սակայն վստահաբար փողոց դուրս չեկողների գերակշիռ մեծամասնությունը իրականում տեսնում է աղետը: Տեսնում է և լռում: Այդ «լռելն» էլ բացատրվում է նախկինների հանդեպ ունեցած «վախով»: Սակայն արդյո՞ք դա լոկ պատրվակ չէ․ խնդիրը շատ ավելի խորքային բնույթ ունի և այն կապված է մեր ժողովրդի վերջին 1000-1500 տարվա մտածողության և արժեհամակարգային ձևախեղման հետ: