Այսօր ԱԱԾ աշխատակիցները «Երկիր Մեդիա» հեռուստաընկերության իր աշխատասենյակից բերման են ենթարկել հեռուստաընկերության տնօրեն Բագրատ Եսայանին: Ընդհանրապես վերջին ամիսներին փաշինյանական վարչախումբը ավելի սաստկացրել է բռնաճնշումների քաղաքականությունը, ընդդիմադիր լրատվամիջոցների, լրագրողների և, առհասարակ, ԶԼՄ համայնքի նկատմամբ: Բավական է հիշել նույն «Երկիր Մեդիա»-ի լրագրող Անի Նահապետյանի բերման ենթարկում, երբ վերջինս լուսաբանում էր դաշնակցական երիտասարդների բողոքի ակցիան: Կարելի է նաև հիշել «Հայելի» ակումբի ղեկավար Անժելա Թովմասյանի առնչությամբ դեպքը, երբ ԱԱԾ աշխատակիցները փորձել էին այցելել նրա բնակարան: Եվ դե իհարկե փողոցային պայքարի ընթացքում տարբեր լրատվամիջոցների (AntiFake.am, MediaHub.am) լրագրողների նկատմամբ ոստիկանական բռնությունները: