Այս օրերին Ռուսաստանի արտգործնախարար Սերգեյ Լավրովը գտնվում է Հայաստանում: Լավրովն այսօր մի հայտարարություն է, արել, որը եթե լիներ, օրինակ, նախկին իշխանությունների օրոք, ապա Հայաստանի հասարակական-քաղաքական դաշտում որոշ շրջանակները մեծ հիստերիա կբարձրացնեին, իսկ ներքաղաքական սկանդալը մի քանի րոպեի հարց էր: Լավրովը հայտարարել է, որ «հաշվի առնելով հայկական կողմի իրենց ընկերների ցանկությունը, աշխատում են Հայաստանի Հանրապետությունում ռուսական դպրոցների թվի ավելացման վրա»: Պետք է նկատի ունենալ, որ Հայաստանի անկախության տարիներին Ռուսաստանի կողմից Հայաստանում ռուսական դպրոցների բացման ցանկությունը միշտ քաղաքականացվել է: Սակայն նախկին իշխանությունների համար թե՛ ռուսական դպրոցների և թե՛ հատկապես ռուսաց լեզվին պաշտոնական կարգավիճակ տալու հարցը միշտ փակ է եղել, և Հայաստանի որևէ իշխանություն չի զիջել այդ համատեքստում: