Ընդդիմադիր պատգամավորների բողոքի ակցիան և իշխանության պնակալեզների ցինիզմը

Եթե խոսենք մեր երկրում առկա մթնոլորտի հիմնական պատճառների մասին, ապա հստակ կարելի է նշել, որ իրավիճակի գլխավոր կատալիզատորներից են հասարակական-քաղաքական իրադարձությունների համատեքստում արժեհամակարգային անկումը, երեսպաշտության ու քաղաքական անսկզբունքայնության դրսևորումները, որոնք կան մեր երկրում, և որոնց հետ մենք առնչվում ենք ամեն օր: Երեկ ԱԺ ընդդիմադիր «Հայաստան» և «Պատիվ ունեմ» դաշինքների պատգամավորները` Քրիստինե Վարդանյանը, Ասպրամ Կրպեյանը և Աննա Մկրտչյանը խաղաղ բողոքի ակցիայի շրջանակներում մտել էին առողջապահության նախարարության շենք, այնուհետև` նախարար Ավանեսյանի սենյակ և իրենց բողոքը արտահայտել Ավանեսյանի սկանդալային արտահայտությունների վերաբերյալ: Պատգամավորները որևէ բռնություն չեն գործադրել, դուռ չեն ջարդել, այլ պարզապես իրացրել են իրենց սահմանադրական իրավունքը: