Հունիսի 3-ին փաշինյանական ռեժիմը վերջնականապես անցավ ռուբիկոնը սեփական ժողովրդի դեմ իր գործողություններով: Այդ օրվա ցուցարարների ջարդը, վստահաբար, դեռ երկար է հիշվելու: Իսկ ամեն ինչ սկսվեց նրանից, որ ընդդիմությունը տասնյակ հազարներով երթ իրականացրեց դեպի կառավարություն, այնուհետև շրջափակեց կառավարական շենքերի մուտքերը, իսկ վերջում Նիկոլ Փաշինյանի փախուստից հետո երթով գնաց դեպի կառավարական ամառանոցներ: Պռոշյան-Դեմիրճյան փողոցների խաչմերուկում խաղաղ երթը խոչընդոտվեց ոստիկանական զորքերի կողմից: Ոստիկանական զորքը ապօրինաբար փակել էր ցուցարարների ճանապարհը և իրավիճակը հետևողականորեն տանում էր բախման: