Նիկոլ Փաշինյանի դեմ քրեական գործ հարուցելու պահանջով Ցորի զորամասի զոհված զինծառայողների իրավահաջորդների բողոքը Երևանի ընդհանուր իրավասության դատարանի դատավոր Դավիթ Արղամանյանի վարույթում է։ Այս մասին գրում է «Փաստինֆո»-ն։ Հիշեցնենք, որ Ցորի զորամասի՝ 44-օրյա պատերազմում զոհված և անհետ կորած զինծառայողների ծնողներն ապրիլի 18-ին հանցագործության մասին հաղորդում են ներկայացրել ՀՀ գլխավոր դատախազություն առ այն, որ Նիկոլ Փաշինյանն է սպանել իրենց որդիներին։ Ծնողները հիմք են ընդունել Նիկոլ Փաշինյանի Ազգային ժողովում հնչեցրած հայտարարությունը՝ «Կարող էինք կանխել պատերազմը, որի արդյունքում կունենայինք նույն վիճակը՝ իհարկե, առանց զոհերի» հայտարարությունը։