Հայաստանում բողոքի լայնածավալ ակցիաների ընթացքում համատարած բռնություններ են ցուցարարների նկատմամբ, որոնք մեծ արագությամբ տարածվում են համացանցում` հասանելի դառնալով հասարակության լայն շերտերին: Փաշինյանական ռեժիմն էլ գործի է դնում իր ֆեյքերի ֆաբրիկան, որպեսզի ամեն կերպ արդարացնի բռնություն կիրառող ոստիկաններին և նսեմացնեն շարժման մասնակիցներին: Վերջերս համացանցում տեղադրվել էր հերթական տեսանյութը, որտեղ ոստիկանները վնասվածքներ էին հասցրել կին ցուցարարներից մեկին, և վերջինս ասֆալտին էր հայտնվել: Ֆեյք օգտատերերի միջոցով այդ կնոջ նկատմամբ հետևողականորեն ատելության խոսք գեներացվեց, որը դրսևորվեց մեկնաբանություններում հայհոյանքների և ոստիկանական բռնությունները արդարացնող բազմաթիվ մեկնաբանությունների տեսքով: