Կարկառուն ՔՊ-ականներից Անդրանիկ Քոչարյանը հայտարարել է, որ բերման ենթարկվածների տվյալները պետք է փոխանցվեն ՊՆ, որպեսզի ստուգվի նրանց զորակոչային տարիքը, և հարկ եղած դեպքում` նրանց ուղարկեն եռամսյա հավաքների: Անդրանիկ Քոչարյանի այս խայտառակ հայտարարությունն ուղղակիորեն հարված է բանակին: Փաստացի, Անդրանիկ Քոչարյանի ձեռամբ Զինված ուժերը դառնում են այլախոհության դեմ պատժի միջոց, քաղաքականացվում է բանակը: Ռեպրեսիաներին միացել է նաև Քննչական կոմիտեն, որը քրեական գործեր է կարում ամեն բերման ենթարկվածի ու պայքարի մասնակցի նկատմամբ: