Արդեն քանի օր է` Երևանի կենտրոնում տասնյակ հազարավոր մարդիկ մասնակցում են անհնազանդության ակցիաներին` Նիկոլ Փաշինյանի հրաժարականի պահանջով: Իշխանությունն էլ իր հերթին մարտի է նետել իր քարոզչական ողջ գործիքակազմը. բացահայտ տեխնիկական միջամտություններով կեղծում են հավաքի մասնակիցների թիվը, ակտիվացրել են ֆեյքերի ֆաբրիկան և իշխանության շվաքի ներքո գործող տարատեսակ «գործիչների» ու «վերլուծաբանների»: Այդ գործիքակազմը գրեթե նույնն է, չի փոխվել, դրա հիմանական մեխը հանրությանը «նախկինների» վերադարձով վախեցնելն է, և միտված է ծավալվող շարժումը հանրության աչքերում ապալեգիտիմացնելուն: