Վաղ առավոտից Երևանում մեկնարկել են քաղաքացիական անհնազանդության ակցիաներ։ Քաղաքացիները նախապես հայտարարված ծրագրին համապատասխան փողոցներ են փակում։ Ոստիկանությունը բիրտ ուժի գործադրմամբ փորձում է խոչընդոտել քաղաքացիների ակցիաները։ Կարմիր և սև բերետներ կրող ոստիկանական ծառայողները լարված իրավիճակ են առաջացնում, քաշքշում և հրում քաղաքացիներին։ Նրանք մի քանի անգամ փորձեցին բերման ենթարկել նաև ՀՀԿ ԳՄ անդամ Արմեն Աշոտյանին և «Պատիվ ունեմ» խմբակցության պատգամավոր Տիգրան Աբրահամյանին, սակայն քաշքշուկից հետո բերման չենթարկեցին։