Թուրքիայի արտգործնախարար Մևլյութ Չավուշօղլուն Ուրուգվայ կատարած այցի ընթացքում, երբ հայկական համայնքի ներկայացուցիչները բողոքի ակցիա էին անում թուրքական դեսպանատան դիմաց՝ դեսպանատան շենքից հեռանալիս ծիծաղել է և ցույց տվել թուրքական «Գորշ գայլեր»-ի նշանը: Թուրքական «Գորշ գայլեր»-ը ազգայնամոլական ահաբեկչական կառույց է, որը հիմնադրվել է 1960-ականների վերջին: Ահաբեկչական այս խմբավորման անվան հետ են կապվում բազմաթիվ աղմկահարույց, մասնավորապես` 1981թ. մայիսի 13-ին Հռոմի պապ Հովհաննես Պողոս 2-րդի նկատմամբ իրականացված մահափորձը: Տարբեր տվյալներով` 1970-80-ականներին կազմակերպության գործողությունների հետևանքով հազարավոր զոհեր են գրանցվել: