.png)
Մարտի 24–ին ադրբեջանական ԶՈւ ստորաբաժանումները գրավեցին Արցախի Հանրապետության Ասկերանի շրջանի Փառուխ գյուղը և հարակից դիրքերը։ Սահմանակից Խրամորթը նույնպես հայտնվեց վտանգի մեջ, ուստի գյուղի կանայք ու երեխաները ստիպված տարհանվեցին։ Նախօրեին ԼՂ–ում ռուս խաղաղապահ առաքելության տեղեկագրում ասվում էր, որ ադրբեջանական ԶՈւ ստորաբաժանումները դուրս են եկել Փառուխ բնակավայրից։ Ադրբեջանական ՊՆ–ն շտապեց հերքել ՌԴ ՊՆ–ին։ Այսօր Արցախի տեղեկատվական շտաբը հաղորդեց, որ Փառուխը գտնվում է ռուս խաղաղապահ զորակազմի վերահսկողության տակ, բայց ադրբեջանցիները շարունակում են մնալ Քարագլխի մի հատվածում։ Սրան էլ հետևեց Հայաստանի ԱԳՆ հայտարարությունը, որ ադրբեջանցիները շարունակում են զբաղեցնել այն դիրքերը, որոնք գրավել էին մարտի 24–ին։