Այս պահին Շվեյցարիան աշխարհի ամենաանվտանգ երկիրն է COVID-19-ի առումով, Հարավային Սուդանը՝ ամենավտանգավորը՝ համաձայն «COVID-19 տարածաշրջանային անվտանգության գնահատում» 250 էջից բաղկացած խոշորածավալ զեկույցի։ Զեկույցը 200 երկրներում և տարածաշրջաններում COVID-19-ի անվտանգության դասակարգման և ռիսկերի գնահատման տվյալների վերլուծությունն է։ Այն հրապարակվել է Լոնդոնում հունիսի 4-ին։ Զեկույցը պատրաստվել է Deep Knowledge Group-ի՝ առևտրային և շահույթ չհետապնդող ընկերությունների կոնսորցիումի կողմից, որը պատկանում է 2014 թվականին Հոնկ Կոնգում հիմնադրված Deep Knowledge Ventures ներդրումային ֆիրմային։