Ադրբեջանական իշխանությունները Ադրբեջանի` ՄԱԿ անդամակցության 30-ամյակի կապակցությամբ միջոցառում են կազմակերպել օկուպացված Շուշիում, որին ներկա են եղել նաև ՄԱԿ-ի ներկայացուցիչները: Ադրբեջանը Շուշին օկուպացրել է 2020թ. 44-օրյա պատերազմի ընթացքում: Այն պատերազմի ընթացքում, երբ աշխարհը ու նույն ՄԱԿ-ը աչք էր փակել Ադրբեջանի բացահայտ ագրեսիայի, ռազմական հանցագործությունների և Արցախում ստեղծված հումանիտար ճգնաժամի նկատմամբ: Նույն ՄԱԿ-ը ադրբեջանական ագրեսիայի ընթացքում ռազմական գործողությունները դադարեցնելու երկկողմանի կոչեր էր անում: