.png)
Վարչապետի պաշտոնը զբաղեցնող անձը երեկ հայտարարություն է տարածել Արցախյան շարժման 34-րդ տարեդարձի հետ կապված: Ուշագրավ է, որ այդ հայտարարությունում բնավ խոսք չկա 1988թ. փետրվարի 20-ի խորհրդի մասին: Այդ օրը ԼՂԻՄ մարզխորհրդի որոշմամբ Լեռնային Ղարաբաղը վերամիավորման խնդրանքով դիմել էր Հայաստանին: Այդ հայտարարության մեջ չի խոսվում Արցախյան շարժման և առաջին ազատամարտում տարած հաղթանակի կարևորության մասին: Չի խոսվում Ադրբեջանի կողմից ցեղասպանական քաղաքականության մասին: Չի շեշտվում, որ Արցախը երբեք չի կարող լինել Ադրբեջանի կազմում, որովհետև էթնիկ առումով ֆիզիկական ոչնչացման լրջագույն վտանգի մեջ կհայտնվի: Փոխարենը խոսվում է ինչ որ «խաղաղության դարաշրջանի» մասին: