Յուրաքանչյուր ազգ իր պատմության որոշակի շրջափուլերում կարող է ենթարկվել աղետների և փորձությունների: Սովորաբար համաշխարհային պատմության փորձը ցույց է տալիս, որ ծանր իրավիճակներում կարողանում են գոյատևել և փորձությունները հաղթած դուրս գալ այն ազգերը, որոնք ունենում են պետականամետ էլիտա: Կապ չունի, թե այդ էլիտան ինչպիսին է: Այն կարող է լինել մտավորական, քաղաքական, ռազմական կամ մշակութային, սակայն կարևոր է, որ այն իր մտածողությամբ լինի տվյալ պետությունը ներկայացնող: Երբ էլիտան իր գաղափարական և արժեքային համակարգով լինում է օտարածին, ապա միանում է տվյալ պետության գոյության հետհաշվարկը: