Օրերս Թուրքիայի Ազգային մեծ ժողովը վավերացրեց Ադրբեջանի հետ 2021թ․ հունիսին կնքած համաձայնագիրը, որը հայտնի է «Շուշիի հռչակագիր» անվանմամբ։ Հռչակագրի կետերի համաձայն` կողմերը հավատարիմ էին մնում 1920թ․ հոկտեմբերի 13-ի Կարսի պայմանագրի և 1994 ու 2010 թվականների թուրք-ադրբեջանական քաղաքական և ռազմական համագործակցության համաձայնագրերի սկզբունքներին։ Հռչակագրում հստակ նշվում է, որ կողմերը բոլոր առումներով կաջակցեն միմյանց, երբ երրորդ երկրի կողմից վտանգ սպառնա նրանցից որևէ մեկին։