Հերթական ծառայությունը՝ իշխանությանը․ Վանաձորի համայնքապետի ընտրությունը տապալվեց ԼՀԿ–ի պատճառով

«Լուսավոր Հայաստան» կուսակցությունը շարունակում է ծառայություններ մատուցել իշխանությանը։ Այս անգամ թիրախում Վանաձորի համայնքապետի ընտրությունն է։ Հայաստանում կայացած ՏԻՄ ընտրությունների ընթացքում Վանաձորում ձայների մեծամասնությունը ստացած «Մամիկոն Ասլանյան» դաշինքը ռեալ շանս ունի իր առաջնորդ Մամիկոն Ասլանյանին դարձնելու Վանաձորի համայնքապետ։ Այս սցենարը իշխանության սրտով չէ, որոնք ամեն ինչ անում են Վանաձորում համայնքապետի ընտրությունները տապալելու համար։ Իշխանությունը ոչ ավել, ոչ պակաս, կալանքի տակ է պահում Մամիկոն Ասլանյանին՝ Վանաձորի համայնքային իշխանությանը հնարավորինս ճնշելու և համայնքապետի ընտրությանը խոչընդոտելու համար։