Երբ նոր էր պատերազմը սկսել, ընդդիմադիր բոլոր ուժերը, այդ թվում Հանրապետականը հայտարարեց, որ ներքաղաքական օրակարգը դնում ենք մի կողմ։ Մեր մտքով չէր անցել, որ սրանք (Նիկոլ Փաշինյանի կառավարությունը – խմբ․) այնքան սրիկա կլինեն, այնքան ստոր, որ արդեն ծրագրավորված պատերազը բերելուց բացի, նաև պատերազմի ընթացքում ինչ–որ մարդկանց չեզոքացնելու, մաղելու ծրագրեր կունենան։ Այս մասին AntiFake.am–ի Քաղաքական զրույցի տաղավարում ասաց կուսակցական և քաղաքական գործիչ, Ազգային ժողովի նախկին պատգամավոր, Կրթության և գիտության նախկին նախարար, ՀՀԿ փոխնախագահ Արմեն Աշոտյանը՝ պատասխանելով հարցին, թե ինչպես է վերաբերվում պատերազմի ընթացքում իրենց զորակոչելուն, քանի որ տեղեկություններ կային, որ իշխանությունը որոշ գործիչների ծրագրված մեկուսացնելու և չեզոքացնելու ցուցակ է կազմել։