Ես չէի ցանկանա, որ մանդատները վայր դնելը դառնար «իդեա ֆիքս»։ Մանդատները պետք է դրվեն ճիշտ ժամանակին և նպաստեն, որպես խաղաքարտ, ավելի արդյունավետ գործողության։ Այս մասին այսօր «Պատերազմ և կապիտուլյացիա» թեմայով քննարկման ընթացքում ասաց «Քաղաքացիական գիտացկություն» ՀԿ ղեկավար, քաղաքագետ Նարեկ Սամսոնյանը։ «Մանդատները վայր դնելն այս պահին ոչինչ չի փոխելու, քանի որ փողոցում չկա գործողություն։ Մանդատները պետք է վայր դրվեն գործողություններին զուգահեռ, կամ պետք է լինի խորհրդարանական գործունեության բոյկոտ՝ ինչպես Վրաստանում էր»,– ասաց Սամսոնյանը՝ հույս հայտնելով, որ խորհրդարանը ճիշտ ժամանակին ճիշտ քայլեր կանի։