«Դիվանագիտական ծառայության մասին» ՀՀ օրենքի հոդված 44-ով սահմանվում են դիվանագիտական ծառայության հետ կապված սահմանափակումներ։ Մասնավորապես՝ այդ հոդվածի 1-ին մասի 3-րդ կետով սահմանվում է, որ դիվանագետն իրավունք չունի խախտելու քաղաքական զսպվածության սկզբունքը` զբաղվելու կուսակցական գործունեությամբ կամ իր ծառայողական դիրքը կամ աշխատանքային միջոցներն օգտագործելու կուսակցությունների կամ հասարակական, այդ թվում` կրոնական միավորումների շահերի համար կամ նրանց նկատմամբ վերաբերմունք քարոզելու կամ իր ծառայողական պարտականությունները կատարելիս այլ քաղաքական կամ կրոնական գործունեություն իրականացնելու։ Այս մասին գրում է Լեհաստանում ՀՀ նախկին դեսպան, ՍԴ աշխատակազմի նախկին ղեկավար Էդգար Ղազարյանը: